2017 йилнинг 29 ноябрь куни соат 17:00да Ўзбекистон Бадиий Академияси Икуо Хираяма Халқаро маданият карвон саройида “Халқ билан мулоқот ва инсон манфаатлари йили”га бағишланган мусаввир Шавкат Музаффарнинг “Нажот кемаси” номли шахсий кўргазмаси бўлиб ўтди.
Кўргазмада Шавкат Музаффарнинг рангтасвир ва графика асарларидан иборат 60га яқин ишлари намойиш қилинди.
Шавкат МУЗАФФАР (Шавкат Музаффарович ТУРОПОВ) - 1968 йил Тошкент шаҳрида таваллуд топган.
Ёшлигидан расм чизишга иштиёқи баланд рассом 1981-1985 йилларда Олмазор (Собир Раҳимов ) туманидаги Болалар ижодиёти марказида тасвирий санъатдан таҳсил олган. Илк асари 1978 йилда «Ғунча» журналида чоп этилганида ёш Шавкатнинг қувончи ичига сиғмай кетди ва расм чизишга бутун вужуди билан киришиб кетди.
Мактабни муваффақиятли тамомлагач, Тошкент Архитектура ва қурилиш институтининг “Архитектура” факультетига ўқишга кирди ва 1993 йилда мазкур олий ўқув юртини тамомлади.
Институтни тамомлагач, 1993-2003 йилларда Ўзсаноатқурилишбанк тизимида ишлаган. 2007-2010 йилларда «МУШТУМ» ҳажвий журналида рассом сифатида фаолият юритган.
1986 йилдан бери карикатура, 1992 йилдан бери китоб графикаси соҳасида ижод килади. 1998 йилдан Ўзбекистон Бадиий Академияси томонидан ташкил этиладиган кўргазмаларда фаол иштирок этиб келмоқда.
Шавкат Музаффар МДҲ ва хорижий давлатларда ўтказиладиган танлов-конкурслар, кўргазмаларда фаол иштирок этиб, бир қанча асарлари Европа ва Осиё мамлакатлари кўргазмаларининг каталогларидан жой олган ва диплом ҳамда сертификатлар билан тақдирланган. Жумладан, 2005 йил Жанубий Кореянинг «Даежон» мукофотига сазовор булган.
2012 йил АҚШда «МУШТУМ» журналига бағишланган ижодий сафарда бўлиб, ўзбек ва Америка рассомларининг анжуман ва кўргазмаларида иштирок этди.
Миллий ва умуминсоний ғоялар билан суғорилган бир қанча рангтасвир, графика, карикатура ва шунингдек, хаттотлик асарлари АҚШ, Германия, Чехия, Россия, БАА, Франция, Жанубий Корея, Саудия Арабистони каби қатор мамлакатларнинг шахсий коллекцияларида, шу жумладан, АҚШ Конгресси кутубхонасининг фондида сақланади.

Шахсий кўргазмалари:

2003 йил – “Камолот” Ўзбекистон Ёшлар Ижтимоий Ҳаракати Марказий Кенгашида “Руҳият иқлимида”шахсий кўргазма
2004 йил – Ўзбекистон Ёзувчилар уюшмасида “Кўнгил манзараси” шахсий кўргазма
2008 йил - Ўзбекистон Бадиий Академиясида “Ривоят” номли шахсий кўргазма
2013 йил - АҚШ элчихонасида шахсий кўргазма
2016 йил - Прага (Чехия Республикаси)да
2017 йил - Икуо Хираяма Халқаро маданият карвон саройида “Нажот кемаси” шахсий кўргазма.

Шавкат Музаффар - 2007 йил “Олтин қалам” миллий мукофоти совриндори.
2008 йил Миллий қадриятлар ва маънавият билан суғорилган туркум асарлари учун Ўзбекистон Бадиий Академиясининг махсус дипломига сазовор бўлган.
Шавкат Музаффар 2005 йилдан бошлаб Ўзбекистон Бадиий Академияси Бадиий Ижодкорлар уюшмаси аъзоси, уюшманинг “Графика” шўъбаси раиси.
Шавкат Музаффарнинг “Нажот кемаси” номли шахсий кўргазмасида унинг энг сара ишлари ва охирги йиллардаги ижоди санъат шайдоларига туҳфа қилинди. Айниқса, 2017 йилда ишлаган “Александр ва Роксана”, “Кўкчада кўклам”, “Оқ туя”, “Сир” каби ўндан ортиқ ишлари рассомнинг янги ижод маҳсулидир.
Кўргазма шу йилнинг 10 декабригача давом этади.

Маълумот учун телефон: 252-30-88.
_________________________________

29 ноября 2017 года в 17.00 в Международном караван-сарае культуры Икуо Хираямы Академии Художеств Узбекистана состоялась церемония открытия персональной выставки Шавката Музаффара (Шавкат Музаффарович Туропов) «Корабль спасения», посвящённая 25-летию Конституции Республики Узбекистан
На выставке представлены около 50 работ художника, выполненные в технике живописи, графики и каллиграфии.
Шавкат Музаффар родился в 1968 году. 1981-1985 годах учился изобразительному искусству в центре творчества молодежи Алмазарского района. В этом же районе в 1985 успешно окончив школу № 234, поступает в Ташкентский Институт архитектуры и строительства.
В работах автора заключен посыл к любви, стремлению идеалу, истории и его большой интерес к жизни и творчеству великих личностей в истории нашей родины.
Если сводить к определенному масштабу общую тематику идей и сюжетов произведений, можно их определить, как “Вера и любовь в высший идеал“.
Ш.Музаффар в своих произведениях выходит за рамки обыденности и простого понимания красоты, поднимая философские и вечные вопросы.
Творчество Ш.Музаффара наполнено лиричностью, поэтичностью, как подобает страстному поклоннику творчества А.Наваи и К.Бегзода. Вдохновленный такими великими мастерами пера и кисти, художник передает образы своих героев в аллегориях и метаморфозах. Сами герои, написанные в особой технике смеси восточной миниатюры, современной графики и живописи, источают благопристойность, спокойствие, философскую задумчивость, надежду, красоту, веру и любовь.
Собрав все эти положительные качества в одно единое целое, оно похоже на судно пустившемуся в плавание в океане “тысячи соблазнов” как наш современный мир, неуклонно держащий маршрут в направлении любви к ближнему, с парусами умеренности, оно непременно доплывет до берегов высшего идеала.
Пронизанные гуманизмом, национальными и общечеловеческими ценностями произведения, исполненные в технике живописи, графики, карикатуры и каллиграфии хранятся в частных галереях таких государств как США, Германия, Чехия, Россия, ОАЭ, Франция, Южная Корея, Саудовская Аравия, а также в фонде библиотеки Конгресса США.
Выставка продлится до 10 декабря этого года.

Справки по телефону: 252-30-88.

Просмотров 525    Рейтинг 106   Понравилась новость?          Добавить комментарий  (0)